SEARCH
Web Search
This Site
 

 

تأليفى NEW
على غرار الشعر التراثى تحت
 
يالعين ما نحسابه العزيز باعنى وسكر عليا بابه  بعد رفقته عامين يالعين ما نبيه
ولا عاد بنجبد فى دوتى طاريه يالعين شدى العزم واللى نساك انسيه
اللى باعك برخيص بيعه النهابه 
نحسابه للقلب هو غاليه ***طلع خاين ويضحك على احبابه
ويبيع الدوا للى ما يبيه ***ونا خاطري مجروح وشاد على اعصابه
ايعيب عليا والعيب كله فيه*** واليوم الذيب كشر على انيابه
وناره كوتنى ونارى توا فيه*** والبادى اظلم قال الله فى كتابه
وما انريد زوله لاعاد نبى انجيه*** ولو السما تنبت عليها غابه
ولو البحر الميه تنزح فيه*** وتمطر بحيط من جوف السحابه
رضاى عليه ما عاد يطمع فيه *** والشيب شن بيرده ليوم شبابا
اذكر ربك وصللى على نبيه *** وادعلى العالى يرحم جميع عباده

 

الشعر الاصلى
 

1
يا العين ما نسحابه.. عزيز باعنى وسكر عليا بابا.. بعد رفقته عامين

يالعين معاد جيته .. ويالعين خلاص من بالى انسيته

خاين ماهو جايب الا التشميته..يلعب على وانا كرهت العابه

وراهو يا ولد منه امرار اسقيته.. ساكن فى جوفى دارلى شخشابه

ومجروح منه جرح ما داويته.. ينزف الدم والقيح دار ضبابه

وسامر الليل وما النوم لقيته.. وسلّط على عفن من الخرابه

والماقى عليه اليوم نا صبيته.. كما سيل نازل فى وطا مجدابه

ورانى خلاص اليوم نا خليته.. كيف من امخلى عيلته واصحابه

الله ايسامحه رانى خلاص انسيته.. وموكل عليه الله فى ما جابه

يالعين ما نسحابه.. عزيز باعنى وسكر عليا بابا.. بعد رفقته عامين

يالعين يا سر توا.. هم ومشاكل في سكنن جوا


ومنهن مريض اليوم نا انتلوا.. سببهن العزيز الى اخطى فى اصحابه

الى اسهوما فى سكنن جوا.. وجوفى الى تما على مشهابه

معاد ينفع اللسان ولا بالقوه.. راهو نهانى زاد فى عذابه


حبسنى فى حفره مضلمه من جوا.. مليانه صلولا مع لفع وذيابه

وانشلن اطراف الجسم ماهو من توا.. وتميت طايح دمعتى سكابه

والخاطر جريح وهو مريض امكوا.. ايريد الدواء وما حد ليا جابه

ومالقيت حل ايفكنا من سوا.. امركز عليا وحاطنى فى احسابه

الا نطلبوله الله يرحم توا.. عبده ايفكا من جميع عذابه

1

يالعين ما نسحابه.. غزيز باعنى وسكر على بابه.. بعد رفقته عامين

يامولانــــــــا ..اقريب ايولو شورناواحذانا

ويندم انه تبع كلام افلانه .. الى خاينه وما اتريد غير عذابه

الى تبيه هو طايح ومريض احذانا.. ولا نقربوه ولا انحلوا بابه

ولكن احنا مانا الى خوانه ..انكافوا العفنه انردها بطيابه

وقتلك ايولى من جديد احذانه.. ويعرف كلام الحق وين اصحابه

ويبدا ايقولوا احنا اللى خوانه.. واحنا هو الى ضهرنا الى كذابه

ويطلب سماح الله تم امعانه.. وانعيشو حياه زينه وفوق سحابه

يالعين ما نسحابه.. غزيز باعنى وسكر عليا بابه.. بعد رفقته عامين

 

قول اجواد وغناوات مع شتاوات

تنهاهن يديرن عزم يجيهن الليل ويذرفن **
** تها يولها واسمرت العين وين ما لاج نومها **
**********
** ترجاك والرجاء في الله العين ياعلم ما ميسه **
**********
. ** بلاك ما نريد انعيشن نفداك بالروح ياعلم **
**********
** تشيط في خفا وتبان سبيل عادة النار ياعلم**
**********
** تاكل بلا دخان جواني دقيله نارهم **
**********
. ** ترجي العين تاسع ياس ترقيع في غلا بايد لها **
**********
** تذوح في عقاب الدار تلقي عزيز هيال بالها **
**********
** تصليب جابها ع الكبد خبير ياعلم نارا لغلا **
***

 من غناوى الهشيمه ( عبدالكافي البرعصي )

1 . علي عزيز كني غبت .. حكار رمشة العين ننشغل
2 . وينما يجي ع الهدب .. الهدب يا قديمين تخطروا
3 . علي عزيز شوق وغيظ .. ملايا انلاقوه بيهن
4 . بعد الموت فيه حياة .. اصداف يا غني بالك انجو
5. عزيز قلتله وندمت .. انساني انسيني ومانتسى
6. اللى قاهرك يا عين .. عزيز فيد روحه موغني
7. أيام الدلال اخطرن .. بلا عزيز ما عد نقدروا
8. النار في ملط ارياح .. واللي انظري جابة موتكل
9. إنتي عليك خوذي نوع .. وتخطيرة قيدمينك علي
10. عليك يا قديم أهلبن .. قبالة غباه وين وغبا
11. اللي من بعيد اتبان .. كواني عزيز ابكيفه
12. امرضت نين حوت اغلبت .. وبريت وين ما ريت حوزتك
13. الراي يا اصحاب غلاي .. اللي ايجيبكم ما با يجي
14. لوكان يا عزيز ابكاي .. عليكك دين ويش ايخلصه
15. الله الله يا فاضي .. عدّ العمر ما جيت ف أوله
 
شدي عزايمك ياعين يفني العمر يا بال الغلا .
*شقانا وراهم ضاع سعد غيرنا فيهم قوي .
*طرد اعزيز ع الغفلات سهيت نين ماقيدي وقع .
* كاس ياسهم في اليد ايدوق فيه ويقولوا اقسموا .
*مرزي تاعقل كامي داه من خوف ايشاكيك تنكره .
*ما اتقول فيهن زول بعد العزيز لوطان سوتهن .
*ما في الشرق صابات علي هلك ياعين عاودي .
*مستوحيات ياس طويل لنضار في عزيز يوادعن

===

عزيز قال مانخطاك إن جاك نوم راني جايك .
العقل يا ابعاد الدار يمسي معاي ويبات عندكم .
الدمع يوم ياس عزيز لو كان غبت الأوطان يرجعن.
العين هي عذاب العقل دلالة علي رأي ذبيلة .
النار قايلة للعقل إن صار ياس لولاف تاخذك .
حتي وأنت فيك الياس خلق الله توكتك فرج .
راقد وجاك النوم كذاب مو غلانا شاغلك .

دموعي علي لولاف شلال كيف ماره فالجبل.